Trí obair a dhéanamh le leanaí agus lena dteaghlaigh ar an bhFoireann Líonra Míchumais Leanaí, beidh tú in ann tacú lena bhforbairt, lena bhfolláine, agus lena rannpháirtíocht i saol an teaghlaigh agus an phobail, chomh maith le grúpaí leanaí agus a dtuismitheoirí a thabhairt le chéile chun scileanna nua a fhoghlaim agus eispéiris a roinnt. Leanann an Líonra Míchumais Leanaí cur chuige Cleachtais Teaghlach-lárnaithe, lena mbaineann aithne a chur ar na leanaí agus a dteaghlaigh, a gcuid spriocanna a fháil amach, plean tacaíochta aonair a chur le chéile, agus cabhrú leo gnáthghníomhaíochtaí laethúla a úsáid lena gcuid spriocanna a bhaint amach.
Is mian leis na Foirne Líonra Míchumais Leanaí go mbeidh rath ar gach leanbh, go bhfásfaidh siad agus go bhfoghlaimeoidh siad.
Cibé an bhfuil tú nuacháilithe nó go bhfuil taithí agat, táimid ag lorg Diaitéiteach, Teiripeoirí Saothair, Fisiteiripeoirí, Síceolaithe, Oibrithe Sóisialta agus Teiripeoirí Urlabhra agus Teanga le bheith páirteach i bhFoirne Líonra Míchumais Leanaí FSS.
Tá gach leanbh a úsáideann ár seirbhísí uathúil agus oibríonn ár bhfoirne le chéile leo agus lena dteaghlaigh chun iad a chumhachtú agus chun tacú leo spriocanna a leagan amach agus a bhaint amach a dhéanann difríocht. Bí mar chuid dár bhfoireann agus tar ag obair le gairmithe ardoilte, sibh ag obair agus ag foghlaim in éineacht ar mhaithe leis na daoine óga agus na teaghlaigh a úsáideann ár seirbhísí.
Cuirimid mórán deiseanna ar fáil chun d’fhoghlaim agus do ghairm a chur chun cinn i do rogha réimse, lena n-áirítear tacaíochtaí le cur ar do chumas do cháilíochtaí gairmiúla a fheabhsú le ham saor chun staidéar a dhéanamh.
Agus tú ag obair san FSS, beidh teacht agat ar ár dtairseach oiliúna ar líne do bhaill foirne, ar ár n-acadamh ceannaireachta agus ar ár gclár cóitseála. Bíodh sé go bhfuil tú ag tús do ghairme nó má tá tús curtha agat le d’aistear cheana féin, tacófar le d’fhorbairt phearsanta agus ghairmiúil má thagann tú chun obair leis an FSS. https://www.youtube.com/watch?v=h5GYsvYnkeM&list=PLsQK32cdMW_xWpnZW9VtApF-luS8bXNeq&index=2
Cláraigh le haghaidh an Mhoil Gairmeacha le fógraí a fáil faoi phoist ar fhoirne Líonra Míchumais Leanaí agus cliceáil ar na lógónna thíos le breathnú ar na róil atá ar fáil sna heagraíochtaí míchumais seo a leanas:
 |
 |
 |
 |
 |
 |
 |
 |
 |
 |
 |
 |
