Cén tslí le bheith i m’Altra Ginearálta?

Gairm fhiúntach spreagúil atá san Altranas Ginearálta ina leagtar béim ar chúram duinelárnach a thabhairt ar mhaithe le sláinte, cneasú agus folláine ghinearálta a chur chun cinn. Má bhíonn tú ag obair mar Altra Ginearálta, beidh tú ag comhlíonadh ról ríthábhachtach chun torthaí cúraim sláinte a fheabhsú mar thoradh ar chúram comhbhách, saineolas cliniciúil agus obair foirne. Níl aon deireadh leis na deiseanna don fhás, speisialtóireacht agus foghlaim ar feadh an tsaoil sa ghairm seo. Conair shásúil atá san altranas ginearálta ina mbíonn deis ag daoine ar mian leo cuidiú le daoine eile agus iad a chumasú tarraingt ar a gcomhbhá agus a gcuid scileanna chun saol níos sláintiúla a mhúnlú.

Tá bealaí éagsúla iontrála ann le dul isteach chuig gairm san Altranas Ginearálta:

Tá tuilleadh eolais ar láithreán gréasáin Thairseach na nGairmeacha.

Picture of healthcare professional

Do ról le FSS

Agus tú cáilithe don ról, caithfidh tú clárú le Bord Altranais agus Cnáimhseachais na hÉireann, an rialálaí altranais agus cnáimhseachais in Éirinn.

San altranas ginearálta, bíonn deiseanna ann dul ag obair i réimse leathan timpeallachtaí cúraim sláinte, bíodh sé sin seirbhísí ospidéil, cuir i gcás dianchúram, san obrádlann, ar na bardaí, i rannóga othar seachtrach, rannóga éigeandála, nó róil sa phobal sa chúram príomhúil, i seirbhísí cónaitheacha, cleachtais dochtúirí ginearálta, seirbhísí sláinte i bpríosún, i dtionscal na cógaisíochta agus neart réimsí eile.

Agus tú i d’altra, beidh tú ag obair mar chuid d’fhoireann ildisciplíneach in éineacht le dochtúirí, gairmithe cúraim sláinte agus shóisialta, oibrithe cúraim shóisialta, cúntóirí cúraim sláinte, póirtéirí agus a lán gairmithe eile.

Beidh tú ag obair fosta i ndlúthchomhar le teaghlaigh agus cúramóirí othar ionas go gcuirfear cúram iomlánaíoch duinelárnach ar fáil.

Bíonn patrúin éagsúla i gceist i ngairm altranais ó thaobh sealanna oibre de: le linn an lae, san oíche, deireadh na seachtaine; is féidir leas a bhaint as an tsolúbthacht, taithí a bhaint amach agus pá breise a fháil as uaireanta neamh-lárnacha.  Bíonn daoine in ann leas a bhaint as an tsolúbthacht agus cothromaíocht ina saol oibre agus eile de bharr na bpatrún oibre seo.

Medical Professionals assisting a patient with a ventilator

Dul chun cinn Gairme

Conair Chliniciúil:
Altra Foirne, Altra Feabhsaithe, Altra Foirne (Sinsearach), Altra Feabhsaithe (Sinsearach), Altraspeisialtóir Cliniciúil, Altra Ardchleachtóra

Conair na Bainistíochta:
Altra Bainisteora Cliniciúil (I–III), Stiúrthóir Cúnta Altranais, Stiúrthóir Altranais, Bainisteoir Líonra um Leanaí faoi Mhíchumas, Stiúrthóir Réigiúnach Altranais agus Cnáimhseachais

Conair Oideachais:
Comhordaitheoir Socrúchán Cliniciúil / Oifigeach Leithdháilte Mac Léinn, Comhordaitheoir Forbartha Cleachtais Altraí, Éascaitheoir Cliniciúil / Altra Tacaíochta don Chleachtas Cliniciúil, Oide / Léachtóir Altranais

Taighde agus Forbairt:
Oifigeach an Aonaid Pleanála agus Forbartha Altranais agus Cnáimhseachais, Stiúrthóir Ceantair an Aonaid Pleanála agus Forbartha Altranais agus Cnáimhseachais

Ní liosta cuimsitheach conairí atá thuas. Tá a lán deiseanna eile ann chomh maith lena bhfuil luaite.

Surgeon in an operating theatre

Forbairt

Tugaimid deiseanna forbartha gairmiúla agus oideachais agus, dá bharr, cuirtear le scileanna na n-oibrithe agus le caighdeán an chúraim a thugtar.

Tugann daoine a bhíonn ag plé le Pleanáil Bhliantúil Forbartha Gairmiúla tacaíocht úsáideach d’altraí chun bheith ag obair lena mbainisteoirí le spriocanna pearsanta, gairmiúla agus eagraíochtúla a bhaint amach.

Is é an tAonad áitiúil Pleanála agus Forbartha Altranais agus Cnáimhseachais a thugann tacaíocht le cláir don fhorbairt ghairmiúil leanúnach, cuir i gcás máistir-ranganna, ceardlanna, laethanta staidéir agus comhdhálacha.

Cuireann Ionaid Oideachais Altranais agus Cnáimhseachais Oifig an Stiúrthóra Seirbhísí Altranais agus Cnáimhseachais forbairt ghairmiúil leanúnach ar fáil mar aon le cláir oideachais ar Leibhéal 5–8 de réir chreat Dhearbhú Cáilíochta agus Cáilíochtaí Éireann.

HSELAND an t-ainm atá ar thairseach FSS, áit a bhfuil fáil ar mheascán de dheiseanna oiliúna agus forbartha a chuirtear ar fáil ar líne nó i socrú ranga.

Féach cúrsaí iarchlárúcháin faofa Bhord Altranais agus Cnáimhseachais Éireann lenar féidir clárúchán eile a bhaint amach. Tá tuilleadh eolais ar fáil ach cliceáil ar an nasc
seo .

Sochair foirne agus teistiméireachtaí

Ar cheann de na buntáistí a bheidh agat agus tú ag obair mar fhostaí in FSS ná go mbeidh tú ag saothrú i ngairm atá fiúntach agus dúshlánach. Tairgímid pá agus sochair mhealltacha, maoirseacht ghairmiúil, tacaíocht ghairme agus deiseanna forbartha, comhghleacaithe cairdiúla, agus caighdeán saoil den scoth.

Féach Scálaí pá – Foireann FSS

Beidh teistiméireachtaí againn go luath.

Cláraigh le haghaidh fógraí seachtainiúla poist le Mol Gairmeacha FSS lena chinntiú go mbíonn tú ar an eolas faoi na folúntais go léir.