An t-ullmhúchán chun taisteal go hÉirinn

Comhghairdeas libh siúd atá i ndiaidh ról a fháil linn agus fáilte romhaibh! Beidh na leathanaigh seo a leanas úsáideach agus tú ag ullmhú le do thír dhúchais a fhágáil agus ar theacht go hÉirinn duit.

Is fearr breathnú ar an oiread den téacs agus is féidir agus tú in áit a bhfuil taithí agat uirthi.  Seans go mbeidh tú iontach gnóthach ar theacht go hÉirinn duit agus tú ag ullmhú don chéad lá oibre.

Tá meascán breá ábhar tacaíochta againn sa rannóg seo. Molaimid duit am a chaitheamh leis an ábhar seo i ndiaidh duit do chonradh a fháil.  Tá ábhar oiliúna agus tacaíochta cultúrtha ar líne ann. Seans nár mhiste duit tosú ar an ábhar sula dtugann tú faoin turas go hÉirinn. Ach ní gá duit an oiliúint a chur i gcrích i d’am pearsanta féin.

Tá neart eolas praiticiúil sa Treoir seo faoi choinne fostaithe idirnáisiúnta nua.

Faigh tuilleadh eolais faoi thaisteal go hÉirinn
female packing a suitcase

Treoir maidir le cónaí in Éirinn

Cabhróimid trí eolas agus comhairle phraiticiúil a chur ar fáil maidir le cónaí agus obair in Éirinn, agus gach rud is gá a bheith ar eolas agat chun an t-aistriú a dhéanamh.

Áirítear leis sin comhairle ar lóistín, baincéireacht, cánachas, na córais oideachais agus cúraim sláinte, chomh maith leis an gcaoi le taisteal thart nuair a bheidh tú anseo.

Faigh tuilleadh eolais faoi chónaí in Éirinn
family cycling through a woods

Áit Chónaithe

Más trí ghníomhaireacht atá tú ag teacht go hÉirinn, seans go ndéanfaidh siadsan cóiríocht a eagrú duit go sealadach. Faigh amach uathu an tacaíocht a gheobhaidh tú ó thaobh tithíocht tosaigh de.

Is tábhachtach tosú ar an gcuardach i gcomhair tithíocht fadtéarma a luaithe a fhaigheann tú an dáta tosaigh, áfach.

Faigh tuilleadh eolais faoi Shocruithe Cóiríochta
3 people laughing

Tuirlingt in Éirinn

Tá beannachtaí traidisiúnta Gaelacha ann le fáilte a chur roimh dhuine, mar shampla ‘Céad Míle Fáilte’, ‘Fáilte romhat’ nó ‘Sé do bheatha’!

Agus turas fada curtha díot, seans go mbeidh tú tógtha faoin tír nua ach, san am céanna, go mbeidh imní ort. Beidh fonn ort ceann scríbe a bhaint amach.

Seans go dtabharfaidh tú faoi deara gur i nGaeilge agus i mBéarla atá na comharthaí. Beidh foireann an aerfoirt breá sásta cuidiú leat má bhíonn ceisteanna agat.

Tá eolas ann ar roghanna taistil ó aerfoirt in Éirinn ach cliceáil ar an nasc seo.

Déanfaidh an ghníomhaireacht nó seirbhís earcaíochta lena bhfuil tú ag plé iarracht go mbeidh duine ann chun bualadh leat ag an aerfort agus tú a thabhairt chuig d’áit chónaithe, nó b’fhéidir go mbeidís in ann cuidiú leat na socruithe sin a dhéanamh.

Cork airport

Dul i dtaithí ar chultúr úr

Tá muintir na hÉireann iontach cairdiúil agus tá an-éagsúlacht sa tír. Cuirfear fáilte chroíúil romhat cibé áit a rachaidh tú.

Tá réimse cineálacha tacaíochta cultúrtha agus cumarsáide againn do bhaill foirne idirnáisiúnta le go mbeidh siad in ann dul i dtaithí ar aon difríochtaí cultúrtha in Éirinn.

Faigh tuilleadh eolais faoi dhul i dtaithí ar chultúr nua
team huddle

Tú féin a ullmhú le dul ag obair in ionad nua le comhghleacaithe nua

Beidh tú ag iarraidh a bheith chomh réidh agus is féidir sula dtagann tú go hÉirinn le tosú sa phost nua.

Rachaidh do bhainisteoir úr i dteagmháil leat leis an eolas cuí a thabhairt duit roimh do chéad lá oibre.

Seans go bhfuil do bhainisteoir earcaíochta ag obair chun ‘comrádaí‘ a shocrú duit faoin am seo. Is éard is comrádaí ann comhghleacaí a thuigeann an méid atá i gceist leis an mbogadh, duine atá sásta chun bheith mar theagmhálaí agat má bhíonn aon cheisteanna agat agus tú ag socrú isteach.

Níl le déanamh agat ach cliceáil anseo le tuilleadh eolais a fháil.

Hospital staff members doing training courses on computer