Bí mar chuid de chlár uaillmhianach athchóirithe sna Seirbhísí Meabhairshláinte do Leanaí agus d’Ógánaigh (CAMHS), ag obair inár seirbhísí túslíne, ag tacú go gníomhach le leanaí agus daoine óga lena le go mbeidh an deis is fearr acu tairbhe a bhaint as saol sláintiúil agus a lánchumas a bhaint amach.
Tá sé thar a bheith tábhachtach a bheith ag cur chun cinn na sláinte maithe meabhraí agus acmhainneacht a threisiú i leanaí, daoine óga agus teaghlaigh. Bunús don tsláinte mhaith mheabhrach agus don acmhainneacht ar feadh na tréimhse saoil is ea an fhorbairt shláintiúil mothúchán agus an fhorbairt shóisialta.
Is é an uaillmhian s’againn tosaíocht a thabhairt do chur chun cinn na sláinte maithe meabhraí, idirghabháil a dhéanamh go luath nuair a thagann fadhbanna chun cinn, agus a chinntiú go bhfuil conairí soiléire comhtháite ann i dtreo seirbhísí pobalbhunaithe sláinte meabhraí dóibh siúd a dteastaíonn tacaíochtaí breise uathu.
Seirbhísí sláinte meabhraí speisialaithe is ea seirbhísí CAMHS dóibh siúd suas le 18 mbliana d’aois agus a bhain an tairseach amach ó thaobh diagnóis mheánach go trom de neamhoird sláinte meabhraí agus a dteastaíonn ionchur uathu ó fhoireann sláinte meabhraí speisialaithe ildisciplíneach.
