Cúntóir Cúraim Sláinte

Do ról le FSS

Cuireann Cúntóirí Cúraim Sláinte cúnamh, tacaíocht agus cúram pearsanta ar fáil d’othair agus do chónaitheoirí i réimse timpeallachtaí cúraim sláinte, cuir i gcás ospidéil, clinicí, tithe altranais agus amuigh sa phobal.

Is é ról an Chúntóra Cúraim Sláinte tacaíocht a thabhairt agus cúram othar á sholáthar faoi mhaoirseacht agus treoir cliniceoirí cáilithe.

Bíonn cúntóirí cúraim sláinte ag obair i ról ina mbíonn siad ag plé go díreach leis an bpobal in éineacht le baill eile den fhoireann ildisciplíneach. Tá ról lárnach acu i dtaca le gealltanas FSS tacú le cúram dírithe ar an othar.

Healthcare professional with a female patient

Cén tslí le bheith i mo Chúntóir Cúraim Sláinte

Baineann an Cúntóir Cúraim Sláinte leas as a scileanna cúraim, atrua agus taithí ar an saol sa ról riachtanach seo ag tacú le daoine.

Tá bealaí éagsúla isteach le bheith i do Chúntóir Cúraim Sláinte, cuir i gcás cúrsaí Breisoideachais agus Oiliúna agus cúrsaí iar-Ardteistiméireachta á soláthar ar an láthair agus ar líne. Tá cáilíochtaí ar Leibhéal 5 (Dearbhú Cáilíochta agus Cáilíochtaí Éireann) ina riachtanas le dul isteach chuig an ról.

Gheobhaidh tú tuilleadh eolais ar an Tairseach Gairmeacha. Má tá íocaíocht Leasa Shóisialaigh á fáil agat faoi láthair agus más mian leat eolas a fháil lena dheimhniú an imreodh glacadh le fostaíocht tionchar ar an íocaíocht seo, cliceáil anseo chun teacht ar Mheastóir Sochair Oibre na Roinne Coimirce Sóisialaí.

Healthcare professional assisting a female patient

Forchéimniú Gairme - Conair Cheartingearach

Dul faoi oiliúint mar altra nó cnáimhseach

Tá urraíocht ar fáil chun dul faoi oiliúint mar altra nó cnáimhseach do chúntóirí cúraim sláinte atá ag obair in eagraíochtaí FSS agus in eagraíochtaí alt 38 tríd an gclár urraíochta d’altraí. Chun bheith incháilithe don rogha seo, ní mór baint dhíreach a bheith ag an gcúntóir cúraim sláinte le cúram a thabhairt d’othair/do chliaint i gcomhthéacs altranais nó cnáimhseachais.

Má éiríonn leis an iarratasóir, íoctar buntuarastal an duine sin fad a mhairfidh an clár céime altranais nó cnáimhseachais. Beifear ag súil go bhfillfidh iarratasóirí ar a ngnáthról taobh amuigh de na seimeastair acadúla fad a mhairfidh an clár.

Tá tuilleadh eolais ar fáil ach cliceáil anseo

Forchéimniú Gairme - Conair Chothrománach

1. Obair mar Chúntóir Cúraim Sláinte Ar an gconair seo, faigheann cúntóirí cúraim sláinte deiseanna chun bheith ag obair i réimse leathan éagsúil de róil mar chúntóirí cúraim sláinte in earnálacha éagsúla, cuir i gcás Géarchúram, Cúram Pobail, Meabhairshláinte, Daoine Scothaosta agus Míchumas. I dtimpeallacht an ghéarchúraim, beidh tú in ann dul i mbun oibre i ranna speisialaithe, mar shampla an Rannóg Éigeandála, Péidiatraic, Máithreachas agus san Obrádlann. Agus iad ag obair sna ranna speisialaithe seo, bunaithe ar an Anailís ar Riachtanais Oiliúna, de ghnáth bheifí ag dúil leis go dtabharfadh cúntóirí cúraim sláinte faoin modúl oiliúna a bhaineann go sonrach leis an earnáil, bíodh sé sin leis an Ionad Oideachais Altranais agus Cnáimhseachais nó le soláthraí príobháideach (i gcúinsí áirithe).

2. Obair mar Chleachtóir Cúnta Cúraim Sláinte agus Shóisialta

Tá méid áirithe ról mar Chleachtóir Cúnta Cúraim Sláinte agus Shóisialta ar fáil i seirbhísí ospidéil agus pobail (Cúntóir Teiripe Saothair, Cúntóir Fisiteiripe, Cúntóir Teiripe Urlabhra agus Teanga, Cúntóir Éisteolaíochta agus Cúntóir Radagrafaíochta). Roghanna eile iad seo do dhaoine a mbeadh fonn orthu tabhairt faoi ghairm mar Chúntóir Cúraim Sláinte. Bíonn éagsúlacht i gceist leis na riachtanais incháilitheachta – uaireanta bíonn na critéir mar an gcéanna le róil mar Chúntóir Cúraim Sláinte, uaireanta eile bíonn sé riachtanach modúil bhreise faoi leith a chur i gcrích.

Oiliúint agus forbairt bhreise

Tá a lán bealaí ann chun cur leis na scileanna atá agat mar Chúntóir Cúraim Sláinte. Gheobhaidh tú sonraí ar na cúrsaí atá ar fáil ar HSELanD, tairseach FSS ar a bhfuil meascán de dheiseanna oiliúna agus forbartha a chuirtear ar fáil ar líne nó i dtimpeallacht ranga.

Sochair foirne agus teistiméireachtaí

Sochar a bheidh agat agus tú ag obair mar fhostaí in FSS ná go mbeidh tú ag saothrú i ngairm atá fiúntach agus dúshlánach, agus níl ansin ach sochar amháin. Tairgimid pá agus sochair mhealltacha, maoirseacht ghairmiúil, tacaíocht ghairme agus deiseanna forbartha, comhghleacaithe cairdiúla agus caighdeán beatha iontach.

Féach Scálaí pá – Foireann FSS

Cliceáil ar na naisc thíos chun éisteacht le níos mó eolais faoi na róil éagsúla atá ann mar Chúntóir Cúraim Sláinte:

Paula Curran, Cúntóir Cúraim Sláinte atá ag obair san Ionad Lae do Dhaoine Scothaosta in Ospidéal Chluain Sceach, Baile Átha Cliath.

Ann Conlon, Cúntóir Cúraim Sláinte, agus í ag caint faoin difear a dhéanann sí sna Seirbhísí Meabhairshláinte.

Elaine Clifford, leagann sé amach na buntáistí a bhaineann le bheith ag obair mar Chúntóir Cúraim Sláinte in Ospidéal San Séamas, Baile Átha Cliath.