Cén tslí le bheith i mo Radagrafaí?

Baineann radagrafaithe diagnóiseacha feidhm as réimsí teicnící chun íomhá dhiagnóiseach ardchaighdeáin a fháil a chuirfidh eolas breise ar fáil agus gortú nó galar á dhiagnóisiú. Gné thábhachtach dá ról ná gur gá an tseirbhís seo a sholáthar ar bhealach atá sábháilte, cruinn agus rialaithe le gur féidir an baol don othar a laghdú ó thaobh nochtadh don radaíocht de.

Tá cúpla bealach ann chun dul isteach i ngairm na Radaiteiripe:

  • Bunchéim BSc sa Radagrafaíocht
  • Cúrsa ar Leibhéal 8 den CNC sna hEolaíochtaí nó i ndisciplín a bhaineann leis na hEolaíochtaí Sláinte chomh maith le MSc sa Radagrafaíocht Dhiagnóiseach

Tabharfaidh CORU, an rialálaí do ghairmithe cúraim sláinte agus shóisialta, eolas duit faoi na cáilíochtaí ceadaithe. Gheobhaidh tú tuilleadh eolais faoin ngairm ar láithreán gréasáin Institiúid Radagrafaíochta agus Radaiteiripe na hÉireann nó Tairseach na nGairmeacha.

Má bhain tú do cháilíocht amach i dtír eile seachas in Éirinn, gheobhaidh tú tuilleadh eolais anseo.

Patient receiving radiation treatment

Do ról le Feidhmeannacht na Seirbhíse Sláinte (FSS)

Agus tú cáilithe, beidh ort clárú le CORU, an comhlacht rialála do Ghairmithe Cúraim Sláinte agus Shóisialta. Gheobhaidh tú tuilleadh eolais ar Láithreán gréasáin CORU.

Tá Radagrafaithe mar chuid de lucht saothair cliniciúil a dtugtar Gairmithe Cúraim Sláinte agus Shóisialta orthu agus a bhíonn ag obair mar fhoireann in éineacht le comhghleacaithe leighis agus altranais chun cúram cliniciúil, teiripeach agus sóisialta a chur ar fáil.

Sa radagrafaíocht dhiagnóiseach, bímid dírithe ar ghortuithe, galair agus tráma a shainaithint agus a mhonatóiriú. Bainimid leas as modhanna éagsúla leis sin a dhéanamh, lena n-áirítear X-gha, Tomagrafaíocht Ríomhairithe (CT), Míochaine Núicléach, Ultrafhuaim agus Íomháú Athshondais Mhaighnéadaigh (MRI). Faoi I.R. 256 de 2018, tá stádas mar atreoraí agus cleachtóir ag Radagrafaithe ó thaobh nochtadh míochaine ar radaíocht ianúcháin de.

Tá an Radagrafaíocht ar cheann de na gnéithe is nuálaí den chúram sláinte – bainfidh tú feidhm as teicneolaíocht cheannródaíoch chun breathnú isteach i gcolainn othar agus tuiscint a fháil ar an mbunchúis atá lena mbreoiteacht, agus rachaidh tú i gcomhairle le comhghleacaithe i dtaobh pleananna diagnóise agus cóireála.

Radiation machine

Dul chun cinn gairme

Tá a lán bealaí ann le dul chun cinn a dhéanamh i do ghairm:

  • Dul ar aghaidh le bheith i do Radagrafaí Sinsearach nó Speisialtóir Cliniciúil.
  • Speisialtóireacht a dhéanamh i réimse faoi leith, cuir i gcás CT, ÍAM, Ultrafhuaim, Míochaine Núicléach nó PET (tomagrafaíocht astúchán posatrón)

Conair Forchéimnithe Gairme: Conair Chliniciúil

  • Radagrafaí, Grád Foirne
  • Radagrafaí Sinsearach
  • Speisialtóir Cliniciúil Radagrafaíochta

Conair na Bainistíochta

  • Bainisteoir Seirbhíse Radagrafaíochta I
  • Bainisteoir Seirbhíse Radagrafaíochta II
  • Bainisteoir Seirbhíse Radagrafaíochta III

Conair Oideachais

Tá deiseanna ann i róil oideachais chomh maith sna Gairmithe Sláinte agus Cúraim Shóisialta ar fad.

2 people viewing scans on a screen

Oiliúint agus forbairt bhreise

Tá Oifig na nGairmithe Cúraim Sláinte agus Shóisialta freagrach as Ceannaireacht, Oideachas agus Forbairt Ghairmiúil Leanúnach na ngairmithe sin atá ag obair in FSS.

Tugann CORU treoir agus tacaíocht don Radagrafaí chun tabhairt faoi Fhorbairt Ghairmiúil Leanúnach.

HSeLanD an t-ainm atá ar thairseach FSS ar a bhfuil meascán de dheiseanna oiliúna agus forbartha a chuirtear ar fáil ar líne nó i socrú ranga. Is féidir eolas a fháil ar Oideachas agus Forbairt ar Thairseach HSCP ar www.hseland.ie.

Samplaí eile de ghníomhaíochtaí forbartha gairmiúla ná deiseanna chun seirbhísí iontacha leabharlainne FSS a úsáid, deiseanna breise oiliúna agus oideachais, deiseanna freastal ar chomhdhálacha, seimineáir ghréasáin agus ceardlanna, próiseas meantóireachta agus maoirseachta, an t-eolas is úire faoin ngairm i nuachtlitreacha speisialaithe, blaganna agus podchraoltaí.

male patient receiving radiation therapy

Sochair foirne agus teistiméireachtaí

Sochar a bheidh agat agus tú ag obair mar fhostaí in FSS ná go mbeidh tú ag saothrú i ngairm atá fiúntach agus dúshlánach, agus níl ansin ach sochar amháin. Tairgimid pá agus sochair mhealltacha, maoirseacht ghairmiúil, tacaíocht ghairme agus deiseanna forbartha, comhghleacaithe cairdiúla agus caighdeán beatha iontach.

Féach Scálaí pá – Foireann FSS

Beidh teistiméireachtaí ó bhaill foirne againn go luath.

Radiation machine