Ceannaíonn go leor daoine in Éirinn a dtithe féin, le cabhair ó iasacht nó morgáiste, ach tá cónaí ar mhórán daoine i lóistín ar cíos. Mar atá i bhformhór na dtíortha, tá an costas a bhaineann le ceannach nó le ligean ar cíos níos airde i gcathracha móra i gcomparáid le bailte beaga nó ceantair thuaithe. Molaimid duit tosú ag iarraidh do lóistín a chinntiú chomh luath agus is féidir mar ullmhúchán don aistriú go hÉirinn mar is minic go mbíonn go leor iomaíochta ann do thithíocht, go háirithe sna bailte móra agus sna cathracha. Iarrfar ort éarlais urrúis a chur ar fáil sula mbogann tú isteach sa lóistín. Coinníonn an tiarna talún an éarlais seo mar urrús chun aon riaráistí cíosa, billí atá dlite nó damáiste thar gnáthchaitheamh agus cuimilt ag deireadh na tionóntachta a chlúdach. De ghnáth beidh ort cíos míosa a íoc roimh ré. Le tuilleadh eolais a fháil, cliceáil anseo.