Cén chaoi ar féidir liom a bheith i m'Ortoptach?

Is éard is Ortoptach ann ná Gairmí Cúraim Sláinte agus Shóisialta a bhfuil saineolas aige nó aici ar lochtanna gluaiseachta súl agus fadhbanna le radharc déshúileach a mheas, a dhiagnóisiú agus a bhainistiú.

Is féidir dul isteach i ngairm an Ortoptaigh ar roinnt bealaí:

  • BSc san Ortoptaic (Onóracha)
  • BMedSci san Ortoptaic
  • MSc san Ortoptaic

Le bheith i d’ortoptach, ní mór duit céim nó iarchéim a bheith agat san Ortoptaic.

Níl aon chúrsaí ar fáil in Éirinn faoi láthair. Tá cúrsaí céime san Ortoptaic ar fáil sa Ríocht Aontaithe agus i roinnt tíortha Eorpacha eile, ach déan cinnte de go bhfuil siad aitheanta ag Cumann Ortoptaice na Breataine agus na hÉireann (BIOS).

Is é Cumann Ortoptach na hÉireann an comhlacht gairmiúil d’ortoptaigh atá ag obair in Éirinn. Gheobhaidh tú tuilleadh eolais ar an Tairseach Gairmeacha

Happy,Little,Girl,Wearing,Glasses,And,Eye,Patch,Or,Occluder,

Do ról le FSS

Cleachtóirí neamhspleácha iad ortoptaigh a oibríonn le hothair idir óg agus aosta a bhfuil réimse leathan riochtaí orthu. Tá an ghairm ag forbairt i gcónaí agus comhlíonann ortoptaigh tuilleadh ról i gclinicí na laethanta seo, amhail measúnú réamhobráide agus iarobráide catarachta, clinicí tocsaineachta súilí cobhsaí, clinicí monatóireachta glácóma chobhsaí, clinicí piotútaigh chobhsaí, agus tástáil leictridhiagnóiseach.

Oibríonn ortoptaigh as lámha a chéile le hoftailmeolaithe, le hoptaiméadraithe, le haltraí agus le teicneoirí oftalmacha in ospidéil agus/nó i suíomhanna pobail.

Áirítear lena ról measúnú a dhéanamh ar othair a chuirtear ar aghaigh chucu ó inchríneolaithe, néareolaithe, altraí sláinte poiblí, dochtúirí teaghlaigh, agus gairmithe sláinte agus cúraim shóisialta eile, agus diagnóis agus pleananna bainistíochta cuí a chur ar fáil d’fhonn siomptóim an othair a réiteach nó a bhfadhb radhairc a bhainistiú.

Is féidir le hortoptaigh oiliúint a chur ar chomhghleacaithe leo freisin.

Elderly gentleman getting an eye test

Dul chun cinn gairme

Tá a lán bealaí ann le dul chun cinn a dhéanamh i do ghairm:

Conair Chliniciúil:

  • Ortoptach, Grád Foirne
  • Ortoptach, Sinsearach

Conair Oideachais:

Is iomaí deis atá ar fáil i róil oideachais sna Gairmeacha Sláinte agus Cúraim Shóisialta ar fad chomh maith.

Bogann an-chuid ortoptach isteach i róil chliniciúla leathnaithe san oftailmeolaíocht lena gcuid scileanna cliniciúla a fheabhsú agus le cur lena gcuid eolais oftailmeolaíochta.

Female getting an eye test

Oiliúint agus forbairt bhreise

Is í Oifig na nGairmithe Sláinte agus Cúraim Shóisialta atá freagrach as Ceannaireacht, Oideachas agus Forbairt Ghairmiúil Leanúnach na n-ortoptach atá ag obair in FSS.

HSELAND an t-ainm atá ar thairseach FSS ar a bhfuil fáil ar mheascán de dheiseanna oiliúna agus forbartha, a chuirtear ar fáil ar líne nó i socrú ranga. Is féidir eolas a fháil ar dheiseanna oideachais agus forbartha ar Thairseach Oifig na nGairmithe Sláinte agus Cúraim Shóisialta ar www.hseland.ie.

Samplaí eile de ghníomhaíochtaí forbartha gairmiúla ná deiseanna chun seirbhísí iontacha leabharlainne FSS a úsáid, deiseanna breise oiliúna agus oideachais, deiseanna freastal ar chomhdhálacha, seimineáir ghréasáin agus ceardlanna, próiseas meantóireachta agus maoirseachta, an t-eolas is úire faoin ngairm i nuachtlitreacha speisialaithe, blaganna agus podchraoltaí.

Tomography Medical,And,Ophthalmology,With,Eye,Exam,And,Doctor,For

Sochair foirne agus teistiméireachtaí

Ar cheann de na buntáistí a bheidh agat agus tú ag obair mar fhostaí in FSS ná go mbeidh tú ag saothrú i ngairm atá fiúntach agus dúshlánach. Tairgímid pá agus sochair mhealltacha, maoirseacht ghairmiúil, tacaíocht ghairme agus deiseanna forbartha, comhghleacaithe cairdiúla, agus caighdeán saoil den scoth.

Féach Scálaí pá – Foireann FSS

Cliceáil ar na naisc thíos le tuilleadh eolais a fháil ar eispéireas roinnt comhghleacaithe:

Claire McEntee, Jaina Byrne, Kylie Moynagh agus Caroline Byrne, Ortoptaigh Shinsearacha.

Family,,Optometry,And,Eye,Exam,With,A,Woman,Doctor,In