Bíonn an Rialtóir Míochaine Éigeandála, nó an Freagróir Glaonna Éigeandála mar a thugtar ar an ról uaireanta, ag obair in ionad cumarsáide ceannais agus rialaithe leis an otharcharr éigeandála agus seirbhísí cúraim idirmheánaigh agus céadfhreagróirí a rialú go héifeachtach éifeachtúil d’úsáideoirí na seirbhíse, agus le freastal ar riachtanais chumarsáide na Seirbhíse Sláinte.
Cuirtear oiliúint iomlán ar rialtóirí míochaine éigeandála nuair a thosaíonn siad ar an tseirbhís agus cuireann siad deimhniú speisialaithe i gcrích mar chuid den chlár tosaigh oiliúna 8 seachtaine. Mar chuid den chlár seo bíonn 4 seachtaine de mheantóireacht i gceist nuair a bhíonn an rialtóir míochaine éigeandála ag foghlaim go gníomhach an dóigh le glaonna a fhreagairt i dtimpeallacht bheo, an obair sin á treorú agus á stiúradh ag duine a bhfuil taithí acu sa ról.
Gheobhaidh tú tuilleadh eolais ar Chaighdeáin Oideachais agus Oiliúna ar láithreán gréasáin na Comhairle um Chúram Práinne Réamh-Ospidéil.
Gheobhaidh tú tuilleadh eolais faoin ngairm ar láithreán gréasáin na Seirbhíse Náisiúnta Otharcharranna nó ar Láithreán Gréasáin Thairseach na nGairmeacha.
