Tá meascán speisialta de bhailte agus de chathracha nua-aimseartha, bríomhara in Éirinn, iad ar fad taobh istigh d’achar inrochtana ar chuid den radharcra is maorga agus gníomhaíochtaí is fearr fóillíochta faoin aer ar domhan. Ní bheidh tú riamh i bhfad ón gceol, litríocht, ealaín nó béaloideas, agus spreagann áilleacht nádúrtha na hÉireann gníomhaíochtaí amuigh faoin aer ar nós na fánaíochta, rothaíochta agus spórt uisce. Cuireann Éire na Linne Seo saol sóisialta cultúrtha bríomhar ar fáil le hamharclanna, músaeim, gailearaithe ealaíne, bialanna agus saol oíche bríomhar.
Rud Éigin do Chách
Céad míle fáilte
Moltar na hÉireannaigh as a gcáirdiúlacht, agus bíonn atmaisféar croíúil fáilteach ann, áit a bhfuil cáil ar mhuintir na háite as a n-oscailteacht agus a dtoilteanas cuidiú lena chéile. Sochaí nua-aimseartha agus ilchultúrtha í Éire, le daonra óg. Le scór bliain anuas, tá na mílte duine as gach cearn den domhan tar éis lonnú in Éirinn. Léiríodh i nDaonáireamh 2016 go ndearna 200 náisiúntacht éagsúil Éire a n-áit chónaithe, arb ionann é agus beagnach 13% den daonra iomlán. Ní bheidh sé deacair na bianna atá ar eolas agat agus a bhfuil grá agat dóibh a fháil, bualadh le cairde nua ó do thír nó do chultúr féin, chomh maith le cairde nua Éireannacha a dhéanamh. Tá go leor pobail agus cumann idirnáisiúnta ann chun cabhrú le daoine nascadh, sóisialú agus líonrú.
Aimsigh do chothromaíocht oibre is saoil anseo
Cúiteofar luach saothair leat le neart deiseanna chun do ghairm bheatha a chur chun cinn i seirbhís sláinte nuálach agus nua-aimseartha, agus ag an am céanna taitneamh a bhaint as caighdeán maireachtála breá mar chuid dár n-eagraíocht. De bharr caighdeáin mhaireachtála den scoth, mar aon le cúram sláinte, oideachas agus seirbhísí sóisialta, tá Éire ard go seasta in innéacsanna caighdeán maireachtála. I rangú 2022 na Náisiún Aontaithe as 189 tír, cuireadh Éire san ochtú háit maidir le caighdeán maireachtála, agus tá ionchas saoil 82 bliain aici, an ceann is airde san AE. Tá clú air mar thír na n-ollúna, agus tá sé rangaithe faoi láthair sa 9ú háit as 201 tír i gCórais Oideachais is Fearr an Domhain.
