Gairm sa Teiripe Radaíochta in Ospidéal na hOllscoile, Gaillimh

Tá ról ríthábhachtach ag Teiripeoirí Radaíochta le seirbhísí teiripe radaíochta a sholáthar: níl aon ghairmithe sláinte eile ann ach muidne atá cáilithe chun Radaiteiripe a phleanáil agus a sholáthar. Tugaimid tacaíocht d’othair ar gach uile chéim dá n-aistear le hailse sa ról seo atá againn.

In Éirinn, tá áiseanna radaiteiripe á gcur ar fáil in Ospidéal na hOllscoile, Gaillimh, Ospidéal na hOllscoile, Corcaigh agus i mBaile Átha Cliath mar chuid de Líonra Radaíochta agus Oinceolaíochta N. Lúcás.

San Ionad Oinceolaíochta Radaíochta 8,000m² úrscothach nua in Ospidéal na hOllscoile, Gaillimh, tá sé cinn de mheaisíní cóireála radaiteiripe a úsáideann an teicneolaíocht is forbartha le haghaidh luasaire líneach; svuít bhracaiteiripe ina bhfuil obrádlann mháinliachta agus seomraí cóireála; svuít dhromchlach le haghaidh cóireálacha craicinn; svuít oinceolaíochta radaíochta le haghaidh othair sheachtracha ina bhfuil 12 sheomra clinic chomh maith le háiseanna athbhreithnithe agus tacaíochta d’othair.

Táimid sa tóir ar Theiripeoirí Radaíochta faoi láthair lenár scanóir nua ÍAM atá iomlán dírithe ar Radaiteiripe a oibriú.

Forbairt Gairme

Mar ghairmithe saineolaíocha san Oinceolaíocht, tá bealaí éagsúla agat le do ghairm a fhorbairt mar Theiripeoir Radaíochta.

Agus taithí bainte amach agat, tá deiseanna ann glacadh le róil a mbaineann freagrachtaí cliniciúla níos mó leo i réimsí éagsúla sna seirbhísí oinceolaíochta.

Seo cuid de na réimsí sin:

⇒ pleanáil cóireála radaiteiripe

⇒ athbhreithniú ar othair faoi chóireáil agus seirbhísí tacaíochta

⇒ obair le mic léinn agus foghlaimeoirí mar oideoir cleachtais

⇒ taighde cliniciúil/trialacha cliniciúla

De réir mar a rachaidh do ghairm ar aghaidh agus mar a thiocfaidh róil mar Ardchleachtas chun cinn, beidh fáilte romhat iarratas a dhéanamh ar a leithéid.

D’fhéadfá aistriú go ról bainistíochta seirbhíse radaiteiripe, tú freagrach as an soláthar agus pleanáil straitéiseach agus as bainistíocht oibríochtaí seirbhísí radaiteiripe.

Ag obair in Ospidéal na hOllscoile, Gaillimh

Cuirimid deiseanna ar fáil don fhorbairt ghairmiúil leanúnach (FGL) le gur féidir le daoine tabhairt faoi oideachas foirmiúil, taighde a dhéanamh agus páirt a ghlacadh i gcúrsaí, seimineáir agus cláir oiliúna.

Tá deiseanna oibre ann sa dearbhú cáilíochta, réimse ina mbítear ag díriú ar cheisteanna cuir i gcás caighdeán cúraim othar, eolas agus seirbhísí tacaíochta. Is féidir bogadh ar aghaidh chuig gairm sa taighde nó sa teagasc chomh maith.

Seo an méid atá le rá ag cuid dár saineolaithe faoina dtaithí féin sa Radaiteiripe:

Rachel Welsh Teiripeoir Radaíochta Sóisearach
Dearbhla McLoughlin Speisialtóir Cliniciúil Teiripe Radaíochta

Deiseanna Poist

An bhfuil suim agat tabhairt faoi ghairm dhinimiciúil in ionaid Oinceolaíochta Radaíochta ‘úrscothacha’ agus an teicneolaíocht is úrnua á húsáid? An bhfuil tú ag iarraidh a bheith mar bhall d’fhoireann a chuireann na seirbhísí Oinceolaíochta Radaíochta is fearr ar fáil, foireann a thugann faoi Thrialacha Cliniciúla agus Taighde suntasach chomh maith? An bhfuil tú ag iarraidh cónaí i gceann de na cathracha is bríomhara san Eoraip, áit a bhfuil saol iontach cultúir, ceoil, ealaíon agus amharclannaíochta ann?

Má thug tú an freagra ‘tá’, aistrigh do ghairm inniu agus tar ag obair ar fhoireann a chuireann le sláinte daoine ar an iliomad slite gach aon lá! Beidh tú ag obair ar fhoireann a thabharfaidh tacaíocht forbartha duit agus a chuireann aire ildisciplíneach ardchaighdeáin ar fáil.

Má tá cónaí ort taobh amuigh d’Éirinn, caith súil ar an bpacáiste athlonnaithe atá againn chun cúnamh airgeadais a thabhairt duit don aistriú.

Féach na deiseanna oibre atá againn ar leathanach na bpost ar láithreán gréasáin FSS nó anseo.

Le tuilleadh eolais a fháil, déan teagmháil linn ar resources.human@hse.ie .

Cláraigh ar Mhol Gairmeacha FSS le haghaidh fógraí seachtainiúla post lena chinntiú go gcuirfear ar an eolas thú faoi gach folúntas a thiocfaidh chun cinn amach anseo