I bhFeidhmeannacht na Seirbhíse Sláinte, leagtar róil tacaíochta cúraim sláinte amach i ngrúpaí faoin gcatagóir oibrithe Cúraim Othar agus Cliant. Sa chatagóir seo tá róil mar fhreastalaithe, cúntóirí cúraim sláinte agus cúntóirí teiripe, róil riachtanacha arb iad 20% den lucht saothair cúraim sláinte agus shóisialta iomlán in Éirinn iad.
Tá na baill foirne seo riachtanach san obair le cúram othar a sholáthar toisc go mbíonn siad ag tacú le haltraí, dochtúirí agus gairmithe gaolmhara sláinte. Bíonn siad ag obair i réimse leathan timpeallachtaí, cuir i gcás ospidéil, áiseanna pobail, cúram baile agus seirbhísí otharchairr, agus bíonn siad ag tacú le daoine ar gach aois – idir pháistí agus daoine scothaosta atá ag maireachtáil sa bhaile.
Bíonn róil sa chatagóir seo éagsúil agus fiúntach agus bíonn ardmheas orthu. Tugtar deiseanna d’oibrithe bogadh idir róil éagsúla, cloí le conairí soiléire gairme agus dul i dtreo réimsí nua agus tacaíocht acu ón bhfostóir agus, mar sin, is féidir muinín agus iontaoibh a chothú as na seirbhísí a chuirtear ar fáil.
