Conas is féidir liom a bheith i m'Altra Cláraithe Míchumais Intleachtúil?

Altraspeisialtóir is ea Altra Cláraithe Míchumais Intleachtúil (RNID) a oibríonn laistigh den mhúnla sóisialta míchumais, a thacaíonn le daoine faoi míchumas intleachtúil saol neamhspleách lán sásaimh a bheith acu. Soláthraíonn RNIDanna cúram duine le duine iomlánaíoch atá dírithe ar an duine agus a fhreagraíonn do na riachtanais ar leith atá ag gach duine ar feadh a saoil.

Tá tógáil caidrimh fhónta iontaofa le daoine agus lena dteaghlach nó lena gcúramóirí i gcroílár ról an RNID. Tógtar an caidreamh sin ar na prionsabail a leanas: cearta an duine; dínit; comhionannas; ionchuimsitheacht; abhcóideacht; cumasú agus cosaint; tacú le maireachtáil neamhspleách.

Tá roinnt conairí iontrála ann do ghairm mar RNID:

Is féidir tuilleadh eolais a fháil ar Tairseach Gairmeacha.

female nurse

Do ról le FSS

Nuair a bheidh tú cáilithe, beidh ort clárú le Bord Altranais agus Cnáimhseachais na hÉireann, an comhlacht rialála do ghairmeacha altranais agus cnáimhseachais in Éirinn.

Oibríonn RNIDanna le leanaí, déagóirí, daoine fásta agus lena dteaghlach i réimse suíomhanna, rud atá ina léiriú ar na riachtanais agus ar na deiseanna éagsúla a théann le cúram agus tacaíocht iomlánaíoch atá dírithe ar an duine.

Ar na suíomhanna sin, áirítear: seirbhísí cónaithe agus faoisimh, cúram pobail, foireann an líonra míchumais pobail (CDNT), seirbhísí lae, suíomhanna ospidéil géarmhíochaine, seirbhísí ionchuimsithe sóisialta, laistigh den chóras dlí choiriúil, scoileanna agus teach an duine féin.

Féadfaidh riachtanais tacaíochta duine le míchumas intleachtúil a bheith éagsúil ó dhuine go duine ag brath ar leibhéal an mhíchumais intleachtúil, ar a riachtanais faoi leith agus ar a shláinte agus ar a fholláine ar an iomlán. Cuimsíonn leibhéil míchumais intleachtúil an réimse ó mhíchumas éadrom go míchumas casta; chuige sin, bíonn ról an RNID dinimiciúil agus éagsúil.

young girls giving a thumbs up

Dul chun cinn Gairme

Conair Chliniciúil

  • Altra Foirne, Sinsearach (Míchumas Intleachtúil)
  • Altra Feabhsaithe, Sinsearach (Míchumas Intleachtúil)
  • Altraspeisialtóir Cliniciúil (Míchumas Intleachtúil)
  • Altra Ardchleachtóra (Míchumas Intleachtúil)

Conair Bhainistíochta

  • Altra Bainisteora Cliniciúil (I), (II) agus (III)
  • Stiúrthóir Cúnta Altranais (ADON)
  • Stiúrthóir Altranais (DON)
  • Bainisteoir Líonra Míchumais Leanaí

Conair Oideachais

  • Comhordaitheoir Socrúchán Cliniciúil/Oifigeach Leithdháilte Mac Léinn
  • Comhordaitheoir Forbartha an Chleachtais Altranais
  • Teagascóir/Léachtóir Altranais
  • Taighde agus Forbairt

Tá go leor deiseanna éagsúla ann chun dul chun cinn i do ghairm.

nurse assisting a young girl in a wheelchair

Oiliúint agus forbairt bhreise

Tá deiseanna forbartha gairmiúla agus oideachais araon ann atá ceaptha chun scileanna an lucht saothair agus an cúram a sholáthraíonn gairmithe altranais a fheabhsú.

Tacaíonn d’Aonad Pleanála agus Forbartha Altranais agus Cnáimhseachais (NMPDU) áitiúil le cláir forbartha gairmiúla leanúnaí, lena n-áirítear máistir-ranganna, ceardlanna, laethanta staidéir agus comhdhálacha.

Cuireann Ionaid um Oideachas Altranais agus Cnáimhseachais cláir Forbartha Gairmiúla Leanúnaí (CPD) agus oideachais Leibhéal QQI 5-8 ar fáil d’Altraí.

Is é HSELAND an tairseach FSS a sholáthraíonn réimse deiseanna oiliúna agus forbartha a sheachadtar ar líne nó i suíomh seomra ranga.

Le haghaidh tuilleadh oideachais, féach ar chúrsaí iarchlárúcháin atá ceadaithe ag NMBI a mbíonn clárúchán breise ina thoradh orthu nó cliceáil anseo le haghaidh tuilleadh eolais.

Male nurse about to examine a young girl

Sochair foirne agus teistiméireachtaí

Mar fhostaí de chuid FSS, níl gairm fhiúntach dhúshlánach ach ar cheann amháin de na tairbhí a bhainfidh tú as an ról seo. Tá pá agus sochair tharraingteacha; maoirseacht ghairmiúil; tacaíocht ghairme agus deiseanna forbartha; comhghleacaithe cairdiúla agus caighdeán maireachtála den scoth ar na tairbhí eile is féidir a bhaint as bheith ag obair linn.

Féach Scálaí Pá – Foireann FSS

Chun tuilleadh eolais a fháil faoi na róil éagsúla in Altranas Míchumais Intleachtúil agus chun cloisteáil faoi thaithí phearsanta na ngairmithe atá ag obair sa réimse, cliceáil ar na naisc thíos:

Cora Hanratty Kampes, RNID, Foireann Líonra Míchumais Leanaí

Sarah Griffin, RNID, Seirbhísí Thoir Thuaidh, Naomh Eoin Dé

Anne Power, Altra Ardchleachtóra (ANP), Seirbhís Cónaithe Míchumais Intleachtúil Loch Garman

Rebecca Wyse, ANP, FSS

Lorna McEvoy, Teagmháil Míchumais Intleachtúil Géarmhíochaine, Altra Bainisteora Cliniciúil 2, Stewarts Care, Ospidéal San Séamas

group of young adults with intellectual disabilities