Cuireann Cúntóir Saotharlainne Míochaine tascanna éagsúla i gcrích chun tacú leis an obair a dhéanann eolaithe, taighdeoirí agus gairmithe cúraim sláinte i saotharlann. Tugann siad faoi thascanna eolaíochta, teicniúla agus riaracháin mar chuid den obair chun galair a dhiagnóisiú, taighde a dhéanamh agus táirgí a fhorbairt.

Tá cúpla bealach isteach ann chun bheith i do Chúntóir Saotharlainne Míochaine:

• Taithí ar an obair i saotharlann ospidéil nó eolaíochta.
• Fostaíocht reatha agus taithí dhá mhí dhéag ar a laghad sa tSeirbhís Sláinte in Éirinn atá á maoiniú go poiblí.
• Cáilíocht go Leibhéal 5 den CNC ar a laghad i scileanna Saotharlainne.

Le tuilleadh eolais a fháil ar ghairm mar chúntóir saotharlainne míochaine, féach an Tairseach Gairmeacha.

Is iomaí deis oiliúna agus oideachais atá ar fáil i ngach cuid de FSS le scileanna oibrithe na heagraíochta a fheabhsú.

HSeLanD an t-ainm atá ar an tairseach atá againn ar a bhfuil meascán de dheiseanna oiliúna agus forbartha a chuirtear ar fáil ar líne nó i socrú ranga. Tá eolas ar Oideachas agus Forbairt ar  www.hseland.ie. 

Is féidir leas a bhaint as Gnóthachtáil Feidhmíochta le dul chun cinn a dhéanamh i do ról agus leis an deis a fháil cruinniú a bheith agat le do bhainisteoir le do riachtanais foghlama agus forbartha a phlé.

Áis dóibh siúd ar fad atá ag obair sa chúram sláinte agus ar spéis leo an cheannaireacht é Acadamh Ceannaireachta na Seirbhíse Sláinte. An aidhm atá san Acadamh Ceannaireachta ná an cheannaireacht a fhorbairt i ngach cuid den tseirbhís sláinte.