Tá roinnt aerfort idirnáisiúnta ag Éirinn, lena n-áirítear Baile Átha Cliath, Corcaigh, Aerfort na Sionainne, Éire Thiar (Cnoc Mhuire) agus Ciarraí, rud a fhágann go bhfuil Éire mar thairseach chuig mórán tíortha. Bíonn beagnach 1,000 eitilt in aghaidh na seachtaine ag Aerfort Bhaile Átha Cliath amháin chuig níos mó ná 100 cathair Eorpacha, chomh maith le breis agus 100 eitilt dhíreach gach seachtain go SAM, agus breis agus 40 chuig an Meánoirthear agus an Afraic. Tá seirbhísí farantóireachta rialta ann chuig an Ríocht Aontaithe agus an Fhrainc freisin. Maidir le taisteal taobh istigh d’Éirinn, nascann gréasán fairsing mótarbhealaí ardchaighdeán cathracha agus bailte móra, rud a thugann tú chuig do cheann scríbe in am trátha. Tá cathracha agus bailte móra na hÉireann nasctha le busanna agus traenacha idirchathrach. Is féidir taisteal chuig na háiteanna is iargúlta in Éirinn ó Bhaile Átha Cliath taobh istigh de cheithre uair an chloig. Más mian leat ceantair chósta agus na hoileáin in aice láimhe a iniúchadh, tá go leor seirbhísí farantóireachta ann a nascann an mhórthír le hoileáin mar Oileáin Árann, Inis Bó Finne agus na Scealga. Maidir le daoine ar suim leo an rothaíocht, tá bealaí agus conairí rothaíochta éagsúla in Éirinn atá oiriúnach do leibhéil scileanna agus spéiseanna éagsúla, lena n-áirítear na bealaí a bhfuil tóir orthu feadh Shlí an Atlantaigh Fhiáin, Glasbhealach Mór an Iarthair, agus Mórchuaird Chiarraí.
Cé chomh héasca is atá sé taisteal go hÉirinn, agus taobh istigh d’Éirinn?
An féidir liom tiomáint in Éirinn le mo cheadúnas reatha?
Chun tiomáint in Éirinn, ní mór ceadúnas tiomána bailí a bheith agat, ní mór cáin a íoc ar d’fheithicil go bliantúil agus ní mór árachas a bheith agat. Aithnítear ceadúnais tiomána iomlána ó bhallstáit eile an AE (agus ó roinnt tíortha eile) le húsáid in Éirinn: • An Astráil • Ceanada (ach ní ó gach cúige) • Giobráltar • Geansaí • Oileán Mhanann • An tSeapáin • Geirsí • An Afraic Theas • Poblacht na Cóiré (An Chóiré Theas) • An Eilvéis • An Nua-Shéalainn • An Téaváin • An Ríocht Aontaithe Má d’eisigh tír nach bhfuil aitheanta do mhalartú ceadúnais tiomána do cheadúnas tiomána, ní féidir leat do cheadúnas a mhalartú ar cheadúnas Éireannach. Ina áit sin, beidh ort an scrúdú le haghaidh ceadúnas tiomána Éireannach a dhéanamh. Nuair a bheidh do cheadúnas foghlaimeora agat, áfach, ní bheidh ort ach sé cheacht riachtanacha um oiliúint tiomána (EDT) a dhéanamh in ionad an dá cheacht déag is gnách. Féach ar an tSeirbhís Náisiúnta um Cheadúnais Tiomána le haghaidh tuilleadh sonraí. Más mian leat do charr a thabhairt go hÉirinn ní mór duit a bheith eolach ar iompórtáil agus impleachtaí do Cháin Chláraithe Feithiclí (CCF).
