Agus iad ag dul anonn in aois, b’fhearr le cuid mhór daoine fanacht ina gcónaí sa bhaile. Bíonn an tseirbhís Tacaíochta Baile ag obair le daoine agus lena dteaghlach leis sin a bhaint amach. I gcás Cúntóirí Cúraim Sláinte atá ag obair sa tseirbhís Tacaíochta Baile, baineann siad leas as a scileanna cúraim, comhbhá agus taithí ar an saol agus iad sa ról riachtanach seo, is é sin ag tacú le daoine scothaosta cónaí sa bhaile agus na daoine agus earraí is tábhachtaí ina saol thart orthu. Aithnítear nach ionann aon bheirt agus go mbíonn a roghanna agus a riachtanais féin ag gach duine.
Mar sin, bíonn plean tacaíochta pearsanta an duine a úsáideann an tseirbhís mar threoir ag an gCúntóir Cúraim Sláinte atá ag obair sa tseirbhís Tacaíochta Baile. Bíonn Cúntóirí Cúraim Sláinte sa tSeirbhís Tacaíochta Baile ag obair i ról ina mbíonn siad ag plé go díreach leis an bpobal in éineacht le baill eile den fhoireann ildisciplíneach. Mar sin, tá ról fíorthábhachtach acu i gcomhthéacs an ghealltanais atá tugtha ag FSS go dtabharfar tacaíocht do dhaoine scothaosta cónaí sa bhaile ar feadh tréimhse níos faide.
Bí linn ar cheann dár bhfoirne Tacaíochta Baile le go mbeidh tú in ann difear a dhéanamh do shaol daoine scothaosta atá ina gcónaí sa bhaile.
